Watu 9 wauawa katika maandamano Uturuki

Watu wasiopungua 9 wameuawa na wengine kadhaa kujeruhiwa katika maandamano yaliyoshuhudiwa katika miji kadhaa nchini Uturuki. Maandamano hayo yamefanywa na jamii ya Wakurdi kulalamikia kutochukua hatua serikali ya Ankara kuwasaidia Wakurdi waliovamiwa na magaidi wa Daesh katika mji wa Kubani ulioko kwenye mpaka wa nchi hiyo na Syria.  Gavana wa mji wa Istanbul amesema, miji ya Ankara na Istanbul pia ilishuhudia maandamano na ghasia ambapo zaidi ya watu 30 wamejeruhiwa wakiwemo polisi 8.  Wakati huo huo miji 6 ya mashariki mwa Uturuki imewekewa sheria ya kutotoka nje kuhofia uwezekano wa kushambuliwa kutoka upande wa mpaka wa Syria. Jumatatu Waziri Mkuu wa Uturuki Ahmet Davutoglu alisema kuwa, wako tayari kufanyakila wawezalo kuhakikisha kuwa mipaka ya nchi hiyo inalindwa dhidi ya mashambulizi ya kundi la Daesh.