130 wakamatwa Iran kwa kushirikiana na magaidi

Waziri wa Usalama wa Taifa wa Iran amesema kuwa, vikosi vya usalama hivi karibuni vimewatia mbaroni makumi ya watu wanaoshirikiana na makundi ya kigaidi na kitakfiri na kuzima mipango kadha ya kufanya mashambulio ya kigaidi  hapa nchini.
Sayyid Mahmoud Alavi amesema hayo akihutubia bunge na kuongeza kuwa zaidi ya wanachama 130 wa makundi tofauti ya kigaidi yanayojishughulisha katika baadhi ya nchi za eneo wamekamatwa katika operesheni kadhaa zilizofanywa katika miezi ya hivi karibuni. Ameongeza kuwa, maafisa wa usalama wa Iran pia wametoa pigo kubwa kwa baadhi ya vikundi vya kigaidi kama vile al Furqan na pia kuwasambaratisha wafuasi wake katika maeneo ya mashariki na magharibi mwa nchi.
Waziri wa Usalama wa Taifa wa Iran aidha amesema, kumekamatwa kiasi kikubwa cha mada za milipuko zilizokuwa zimepangwa kutegwa katika miji mitakatifu katika moja ya nchi jirani