Maelfu wakimbia mapigano huko Kashmir

Mapigano kati ya askari wa India na Pakistan katika eneo la mpakani la Kashmir kwa siku mbili mfululizo, yamepelekea makumi ya maelfu ya wanavijiji wa eneo hilo kukimbia makazi yao. Raia wasiopungua 10 wameripotiwa kuuawa na wengine 22 kujeruhiwa katika utupianaji risasi na makombora kati ya askari polisi wa India na wa eneo la Pakistan la Kashamir.   

 Shams Uddin afisa polisi wa Pakistan amesema kuwa eneo zima la vijiji na milima kwenye mpaka limeathiriwa na mapigano hayo, huku maelfu ya watu wakikimbia nyumba zao kuelekea kwenye maeneo salama.

 Machafuko hayo yanahesabiwa kuwa ni ukiukwaji mbaya zaidi wa makubaliano ya usitishaji vita yaliyofikiwa mwaka 2003 kati ya India na Pakistan.