Wahubiri wenye misimamo mikali kutoingia Australia

Serikali ya Australia imepiga marufuku kuingia nchini humo wahubiri wa dini ya Kiislamu wenye misimamo ya kufurutu mipaka. Tony Abbott Waziri Mkuu wa Australia amesema kuwa, ofisi za ubalozi za nchi hiyo zimepewa jukumu la kuhakikisha wanadhibiti utoaji viza kwa wahubiri wenye misimamo mikali kuingia nchini humo. Abbott amesisitiza kwamba, hakuna haja kwa sheria hiyo kupitishwa bungeni. Msimamo wa serikali ya Australia umechukuliwa baada ya mhubiri mmoja kutoka kundi la Hizbul Tahrir kutoa matamshi makali wiki iliyopita mjini Sydney kwamba, wanataka kuweka dola la Kiislamu nchini humo. Waziri Mkuu wa Australia ameongeza kuwa, hatua ya kupiga marufuku kuingia nchini humo wahubiri wenye m isimamo mikali ina lengo la kuzuia kujitokeza uadui, chuki na mifarakano kati ya wananchi wa nchi hiyo.