Kenyatta ahudhuria vikao vya Mahakama ya ICC

Uhuru Kenyatta leo amehudhuria kikao maalumu cha Mahakama ya Kimataifa ya Jinai ICC iliyoko nchini Uholanzi, kwa lengo kujibu tuhuma zinazomkabili za kuhusika kwenye machafuko yaliyotokea baada ya uchaguzi mkuu wa mwaka 2007 nchini Kenya. Kwenye vikao vilivyofanyika mahakamani, Kenyatta ameonekana akiwa makini kumsikiliza mwendesha mashtaka wa ICC na wakati mwingine alionekana kuwa ni mwenye mfadhaiko. Mwendesha Mashtaka wa ICC amesema kuwa, Kenyatta hakutoa ushirikiano wa kutosha kwa mahakama hiyo wakati wa kufuatilia rekodi zake za ulipaji kodi,rekodi za simu na taarifa za kibenki. Kenyatta amesema kuwa, mashtaka yaliyofunguliwa dhidi yake ni ya kisiasa na kusisi tiza kwamba kesi hiyo inapaswa kufutwa. Uhuru Kenyatta ambaye aliamua kutangaza kujiengua kwenye wadhifa wake wa urais kwa shabaha ya kushiriki kwenye vikao vya mahakama ya ICC, anakabiliwa na mashtaka matano yaliyosababisha kuibuka machafuko na ghasia zilizotokea baada ya uchaguzi mkuu wa mwaka 2007, na kusababisha watu 1,200 kuuawa na wengine 600,000 kuyahama makazi yao.