Russia: Iran ijumuishwe katika vita dhidi ya ugaidi

Sergei Lavrov Waziri wa Mambo ya Nje wa Russia amesema kuwa, nchi zote za Mashariki ya Kati ikiwemo Iran zinapasa kushirikishwa katika mapambano ya pamoja dhidi ya ugaidi. Lavrov ameongeza kuwa, ni muhimu kukabiliana na ugaidi na kwamba serikali za kieneo zinapaswa kushirikishwa kwenye vita hivyo ikiwemo serikali ya Iran na Syria.
Akiashiria hatua za Marekani za kupambana na ugaidi Mashariki ya Kati, Lavrov ameongeza kuwa, nchi zinazochukua hatua za upande mmoja kupambana na ugaidi kwenye eneo kiuhakika zinasababisha vitisho zaidi. Waziri wa Mambo ya Nje wa Russia pia amesema kushindwa Washington kutathmini siasa zake katika muongo uliopita kumesababisha mgogoro unaoendelea sasa Mashariki ya Kati.