Jumapili, 28 Septemba 2014 20:03 Algeria kujenga ukuta katika mpaka wake na Libya

Algeria imesema kuwa imechukua umauzi wa kujenga ukuta wa usalama wenye urefu wa kilomita 110 katika mipaka ya nchi hiyo na Libya. Algeria imeamua kujenga ukuta huo wa umeme baada ya kufanya mazungumzo na maafisa usalama na kwa kuwasiliana na Libya, katika kikao kilichowashirikisha pia wataalamu wa masuala ya kupambana na ugaidi na jinai zilizoratibiwa. Algeria imesema kuwa vikosi vya usalama vitatumwa kwenye mipaka ya pamoja ya nchi mbili hizo, sambamba na kujengwa ukuta huo wa umeme.